KXDR Seuldan 2010-yili Janubiy Koreyaning “Chxonan” korveti halokatga uchraganidan so‘ng Pxenyanga nisbatan joriy etilgan “24-may” sanksiya choralarini bekor qilishni talab etdi, deya xabar bermoqda “TASS”.
Bundan tashqari, respublika Mudofaa davlat qo‘mitasi vakili bayonotida aytilishicha, KXDR Sariq dengizda cho‘kib ketgan ushbu kema halokati sabablarini tergov qilishni zudlik bilan qayta boshlash zarur deb hisoblaydi.
Arizada ta’kidlanishicha, Pxenyan “KXDR aloqador bo‘lmagan ushbu hodisa yuzasidan uzr so‘rash niyati yo‘q”. “Agar Seul ‘24-may’ choralarini saqlab qolish ustida qat’iy turib olsa, KRning hozirgi hukumati ham Li Myon Bak kabi Koreya xalqi xoinlari deb hisoblanadi”, — deya ogohlantirdi qo‘mita vakili.
2010-yil 24-may kuni Koreya respublikasining o‘sha vaqtdagi prezidenti Li Myon Bak KXDR “Chxonan” korveti cho‘kib ketgani yuzasidan aybni o‘z bo‘yniga olmagani uchun Shimol va Janub o‘rtasidagi har qanday hamkorlik shaklini taqiqlovchi choralarni kiritgan edi.
Izoh (0)