10-mart kuni kechasi yurak xurujidan vafot etgan o‘zbek diniy olimi Shayx Muhammad Sodiq Muhammad Yusufning janoza marosimi 11-mart kuni Toshkentdagi Shayx Zayniddin jome’ masjidida (xalq orasida “Ko‘kcha masjidi” nomi bilan mashhur) o‘tkazildi, deb xabar bermoqda “Kun.uz”.
Janoza namozi marhumning o‘g‘li Ismoilxon tomonidan o‘qildi. Janoza namozidan so‘ng, marhum masjid yonidagi “Ko‘kcha” qabristoniga dafn etildi. Marosimda O‘zbekistonning qator diniy arboblari ishtirok etdi.
Ijtimoiy tarmoqlar bo‘ylab jarayon tasvirlangan suratlar tarqatildi.
Izoh (0)