Nemsovni o‘ldirganlikda gumon qilinayotganlar aybini tan olgani xabar qilindi

Rossiyalik siyosatchi Boris Nemsovning o‘ldirilishida gumon qilinayotgan Anzor Gubashev va Zaur Dadayev Federal xavfsizlik xizmati va IIV jinoyat qidiruv bosh boshqarmasining qo‘shma operatsiyasi chog‘ida Moskva tashqarisida qo‘lga olindi, deb xabar bermoqda Meduza.

Shuningdek, jinoyatga aloqadorlikda yana bir ncha kishi gumon qilinib, tekshirilmoqda. “Kommersant” gazetasi qo‘lga olinganlar o‘z aybini tan olganini ma’lum qilgan, biroq bu tasdiqlanmagan. Nemsov o‘ldirilgach, jinoyatni kim sodir etgani haqida aniq tasavvur bo‘lmagan, Gubashev va Dadashev esa tergov natijasida qo‘lga olingan.

Tergovchilar voqea joyidan jinoyatchilar qaysi mashinada yashiringanini aniqlagach, avtomobilning qayerga harakatlangani “Potok” videokuzatuv tizimi kameralari evaziga aniqlangan. Shuningdek, tergov hodisaning boshqa guvohlarini ham topishga muvaffaq bo‘lgan.