Italiyalik neyroxirurg Serjo Kanavero inson boshini ko‘chirib o‘tkazish bo‘yicha ilk operatsiyani 2017-yilda amalga oshirishni rejalashtirayotganini ma’lum qildi, deb xabar bermoqda New Scientist.
Boshni ko‘chirish bo‘yicha operatsiyalar birinchi navbatda onkologik kasalliklar tashxisi qo‘yilgan, shuningdek harakatlantiruvchi neyronlar kasalliklaridan aziyat chekuvchi bemorlarga mo‘ljallangan. Kanavero operatsiyada shu paytgacha fanda sinab ko‘rilgan uslubdan foydalanadi. 1970-yillarda boshi almashtirilgan maymun 9 kun yashagan, biroq keyin uning immun tizimi begona organlarni rad etgan.
Operatsiyani Londonda o‘tkazish rejalashtirilmoqda. Yangi tananing donori sifatida miya o‘limini boshdan kechirgan kishi chiqadi. Bemor va donorning tanalari muzlatilgach, juda o‘tkir pichoqlar yordamida boshlar bir vaqtning o‘zida bo‘yindan kesib olinadi. Keyin orqa miya tomonlari bir-biriga ulanadi. Qon tomirlari va mushaklar yangi tanaga moslashguncha bemor to‘rt hafta davomida koma holatida qoldiriladi. Komadan chiqqach, u harakat qilishi, yuzini his qilishi va o‘zining “eski” ovozida gapirishi kutilmoqda.
Biroq bunday operatsiya tibbiy etika sohasida jiddiy muammolarga duch kelishi aytilmoqda. Masalan, yangi tana egasining bolalarining biologik otasi donor bo‘ladi, chunki urug‘ hujayralari unga tegishli bo‘ladi.
Izoh (0)