Professional boksning super og‘ir vazn toifasida WBA (Regular) yo‘nalishi chempioni o‘zbekistonlik Ruslan Chagayev o‘z kamarini avstraliyalik Lukas Braundan himoya qilishi shart. Bu haqida Butunjahon boks assotsiatsiyasi, ya’ni WBA tashkiloti ma’lum qildi, deb xabar bermoqda “Olamsport”.
Tomonlar zudlik bilan bo‘lajak jang yuzasidan muzokaralarni boshlashlari kerak. Tashkilot har ikki tomonga bir oy muhlat berdi. Agar bu muddat ichida bokschilarning vakillari kelisha olishmasa, u holda promouterlar o‘rtasida ochiq savdo e’lon qilinadi.
Izoh (0)