2015-yil 1-yanvardan Rossiya bilan vizasiz rejim o‘rnatilgan davlatlar fuqarolari Rossiya Federatsiyasiga kelganida patent asosida yuridik shaxslar va yakka tartibdagi tadbirkorlarga ishlash imkoniyatiga ega bo‘ladi. Bu haqda UzDaily xabar bermoqda.
Rossiya hududiga kelgan vaqtidan boshlab 30 kun ichida xorijiy fuqaro patent olish uchun murojaat qiladi. Buning uchun u ariza va boshqa qator zarur hujjatlar (shaxsni tasdiqlovchi hujjat, migratsiya kartasi, tibbiy polis, yuqumli kasalliklari yo‘qligi to‘g‘risida hujjat, rus tilini bilishi haqida sertifikat va migratsiya hisobiga turishni tasdiqlovchi hujjat)ni taqdim etishi zarur.
Federal migratsiya xizmati hisobga turish bo‘yicha tekshiruv o‘tkazib, xorijiy fuqaroning barmoq izini oladi va suratga tushiradi.
Patentni qo‘lga kiritigach, xorijiy fuqaro yuridik yoki jismoniy shaxs ko‘rinishidagi ish beruvchini qidirishi mumkin.
Ushbu Federal qonunga ko‘ra, ishlash huquqi faqat o‘z migratsiya kartasida o‘zining kirish maqsadi sifatida “ishlash”ni ko‘rsatgan xorijiy fuqarolarga beriladi.
Izoh (0)