Ums.uz manzilida “Uyut Mebel Servis” mebel fabrikasi o‘rniga Universal Mobile Systems (UMS) mobil aloqa operatorining logotipi paydo bo‘ldi. Bu haqda “Daryo” mushtariylari elektron pochta orqali xabar berdi.
Avvalroq, Universal Mobile Systems (UMS) mobil operatoti “Uyut Mebel Servis” MChJga o‘zining Toshkent shahridagi bosh ofisi uchun mebel-jihozlar buyurtma bergani ma’lum qilingan edi
Bundan tashqari, O‘zbekistonda yangi ochiladigan UMS aloqa operatori www.umsuz.uz va www.myums.uz domenlarini ro‘yxatdan o‘tkazgani, yangi operatorning saytlari aynan shu domenlarda joylashishi mumkinligi haqida xabar berilgan edi. www.ums.uz domeni esa band bo‘lib, u “Uyut Mebel Servis” MChJga tegishli edi. UMS aloqa operatori ochilishi haqida xabarlar paydo bo‘lganidan beri odamlar adashib shu saytga kira boshlagan. Natijada sayt ko‘rsatkichlari deyarli to‘rt marta o‘sib ketgan.
Shunigdek, mebel fabrikasiga avval tegishli bo‘lgan ums.uz domeni Universal Mobile Systems tasarrufiga o‘tgani, biroq yangi operator bu domenga hali o‘z saytini ko‘chirmagani va ushbu domenda haligacha “Uyut Mebel Servis” sayti joylashgani xabar berilgan edi.
Eslatib o‘tamiz, “MTS-O‘zbekiston” o‘rniga tashkil qilingan UMS mobil aloqa operatori o‘z tijoriy faoliyatini 2014-yil 1-dekabrdan boshlashi ko‘zda tutilgan.
Izoh (0)