BMT Bosh Assambleyasining inson huquqlari bo‘yicha qo‘mitasi BMT Xavfsizlik Kengashini Shimoliy Koreyaga qarshi ishni Xalqaro jinoyat sudiga berishga chaqiruvchi rezolyutsiyani qabul qildi, deya xabar bermoqda “RBK”. KXDR insoniyatga qarshi jinoyatlarda ayblanmoqda.
BMT qo‘mitasi rezolyutsiyasida Xavfsizlik Kengashi ushbu jinoyatlarga javobgar bo‘lgan shaxslarga nisbatan shaxsiy sanksiyalar kiritishga ham da’vat etiladi.
Shu yilning fevralida BMT komissiyasi Shimoliy Koreya hukumatining ommaviy ravishda suiiste’mol qilinganligi bo‘yicha tergov haqida hisobot bergan, unda lager tizimi, tizimli qiynoqlar, ocharchilik keltirib chiqarish va qotilliklar qayd etilgan edi.
Izoh (0)