Shvetsiya hukumati Falastinni davlat sifatida rasman tan oldi. Bu haqda, qirollik Tashqi ishlar vazirligi bayonotiga asoslanib, Agence France-Presse axborot agentligi ma’lum qildi, deb xabar bermoqda Kun.uz.
BBC News’ning qayd etishicha, Vengriya, Polsha va Slovakiya kabi mamlakatlar Yevropa Ittifoqiga a’zo bo‘lib kirishlaridan avvalroq Falastinni davlat sifatida rasman tan olib bo‘lishgan.
Shvetsiyaning yangi bosh vaziri Stefan Leven 3-oktabrdayoq rasmiy Stokgolmning Falastinni davlat sifatida tan olish niyatini ma’lum qilgandi.
Ma’lumot uchun, Falastinni shu vaqtgacha 130dan ortiq mamlakat rasman tan olgan bo‘lib, ular O‘zbekiston ham bor. O‘zbekiston va Falastin o‘rtasidagi diplomatik munosabatlar 1994-yil sentabrida o‘rnatilgan.
Shunga qaramay, Falastin BMT a’zosi hisoblanmaydi – BMTga a’zo bo‘lishi uchun Falastin tashkilotga a’zo mamlakatlarning 2/3 qismi tomonidan tan olingan bo‘lishi, shuningdek, BMT Xavfsizlik kengashining doimiy a’zolaridan hech biri Falastinning tashkilotga qo‘shilishini veto qilmasligi kerak.
E’tiborli tomoni, BMT Xavfsizlik kengashining doimiy a’zolaridan uchtasi – AQSh, Buyuk Britaniya va Fransiya Falastinni davlat sifatida tan olmagan.
Izoh (0)