AQShning Vashington shtati Merisvill shaharchasidagi maktab o‘quvchisi 24-oktabr kuni ta’lim muassasasidagi oshxonada besh kishiga o‘q uzgach, o‘ziga halokatli jarohat yetkazdi. Bu haqda tartibni saqlash organlari ma’lumotiga tayanib “TASS” xabar bermoqda.
Ma’lum qilinishicha, mazkur voqea natijasida bir qiz halok bo‘lgan. Jarohatlangan to‘rt kishi esa ayni damda shifoxonada bo‘lib, shifokorlar ularning uch nafari juda yomon ahvolda ekanligini ma’lum qilgan.
Politsiyada qayd etilishicha, oshxona xodimasi jinoyatni amalga oshirgan yigitni to‘xtatish uchun uning qo‘lidan ushlaganida, yigit o‘zining bo‘yniga jiddiy jarohat yetkazgan.
Tartibni saqlash organlari axborotiga tayangan The Seattle Times nashrining xabar berishicha, o‘smir yigit aslida u bilan uchrashuvga chiqishdan bosh tortgan qizga o‘q uzmoqchi bo‘lgan.
Izoh (0)