Advokat Vnukovoda samolyot bilan to‘qnashgan qor tozalovchi mashina haydovchisining mast bo‘lganini rad etmoqda

Moskvaning Vnukovo aeroportida 21-oktabrga o‘tar kechasi xususiy samolyot bilan to‘qnashib ketgan qor tozalovchi mashina haydovchisi Vladimir Martinenkoning advokati Aleksandr Karabanov mijozining spirtli ichimlar ichmasligini ma’lum qilgan, deb xabar bermoqda “Interfaks”.

“Himoyam ostidagi kishi surunkali yurak xastaligi bilan og‘riydi, u spirtli ichimliklarni umuman iste’mol qilmaydi, buni qarindoshlari ham, shifokorlar ham tasdiqlashi mumkin. Hodisa vaqtida u tetik bo‘lgan”, − dedi advokat. Shuningdek, u Martinenkoning himoyasi uchun oqlovchilarning katta guruhi jalb etilishini aytib, hodisa uchun javobgarlik oddiy insonning bo‘yniga qo‘yilishini istamasligini ta’kidlagan.

Avvalroq, Total prezidenti Kristof de Marjeri va uch ekipaj a’zosi o‘rin olgan yengil dvigatelli samolyot Vnukovo aeroportida qor tozalovchi mashina bilan to‘qnashib ketishi oqibatida samolyotdagi barcha kishilar halok bo‘lgani, hech qanday zarar ko‘rmagan qor tozalovchi mashina haydovchisi esa mast holatda bo‘lgani aniqlangani hamda u ikki sutkaga hibsga olingani xabar berilgan edi.