“Muloqot” saytlar tarmog‘i “Muloqot yulduzi” nomli tanlovini boshlagani haqida avval xabar bergan edik. Ushbu tanlov joriy yilning 23-sentabridan 27-oktabr, soat 14:00 ga qadar davom etadi. 20-oktabr holatiga ko‘ra, ushbu tanlovda 634 ta “yulduz” to‘plagan surat yetakchilik qilmoqda. Undan keyingi o‘rinlardagi suratlar esa 620 va 581 ta “yulduz” to‘plagan.
“Muloqot yulduzi” tanlovining yakunlanishiga esa bir hafta vaqt qoldi. Ha, bu qisqa muddat, ammo bu vaqt davomida bitta yaxshi surat va ozgina harakat yangi Samsung Galaxy S5 smartfonini yutib olish uchun yetarli bo‘lishi mumkin. Buning uchun nimalar qilish mumkinligi haqida “Parol” nashri quyidagi tavsiyalarni tuzib chiqdi.
Yaxshi surat tanlash
Tanlovning yuqori uchligini band etib turgan suratlar uch xil mavzuda. Biri ishtirokchining qiziqishlari haqida, ikkinchisi ishtirokchining o‘zi, uchinchisi esa ishtirokchining farzandi. Demak, shulardan kelib chiqib aytish mumkinki, siz tanlovda g‘olib bo‘lish uchun shu yo‘nalishda biror surat olishingiz va tanlovda ishtirok etishni boshlashingiz kerak.“Gap Anor” usuli
Shuningdek, “Muloqot” ijtimoiy tarmog‘i avvalroq o‘tkazgan “Gap Anor” tanlovida g‘olib bo‘lgan ishtirokchi foydalangan usulni ham ishlatsangiz bo‘ladi. U tanlovda g‘olib bo‘lish uchun ko‘chalarda, avtobuslarda yurib barchaga tanlov dasturi haqida ma’lumot bergan va ular tanlovda unga yordam berishini so‘ragan.“Muloqot”da do‘stlar orttirish
Agar siz odamlarga “Muloqot” dasturi haqida ma’lumot berish qiyin ish deb hisoblasangiz, u holda ushbu dasturda do‘stlar orttirishingiz va sizning suratingizga “yulduz” qo‘yishlarini so‘rashingiz mumkin. Sizga albatta yordam berishadi ;)Android-dasturlar yordamida jalb qilish
“Muloqot” dasturi Android-qurilmalar uchun mo‘ljallanganligini ham unutmng. Shu bois, Android qurilmalar uchun mo‘ljallangan WhatsApp, Telegram kabi dasturlardan foydalanadigan tanishlaringizni ham ushbu tanlovga jalb qilishingiz mumkin.Do‘stlardan yordam so‘rash
Bugungi kunda juda ko‘pchilikning ijtimoiy tarmoqlarda profillari mavjud. Shubhasiz, sizning ham bunday tarmoqlarda do‘stlaringiz talaygina bo‘lishi kerak. Ular ham shunday paytda sizga yordam berishlariga ishonchimiz komil :)Yuqoridagi tavsiyalarni amalga oshirishdan avval ushbu maqolamizda tanlov shartlari va unda ishtirok etish uchun qo‘llanmani sinchkovlik bilan o‘qib chiqing. Bu ham sizga katta yordam beradi. Omad ;)
Izoh (0)