“Muloqot” ijtimoiy tarmog‘i o‘zining Android qurilmalar uchun mo‘ljallangan dasturini ishlab chiqqani va tanlov o‘tkazayotgani haqida avval xabar bergan edik. Ushbu tanlov 23-sentabrda boshlangan bo‘lib, joriy yilning 27-oktabriga qadar davom etadi.
Tanlovda yetkachilikni egallab turgan surat Mahliyo Sohibova tomonidan yuklangan va u 14-oktabr holatiga ko‘ra 444 ta “yulduz” to‘plagan. Undan keyingi o‘rin esa Sitora Bahtiyorovnaga tegishli bo‘lib, uning tanlovda ishtirok etayotgan surati 396 ta “yulduz” yig‘gan. Munisa Murtazayevaning tanlovga yuklagan surati esa 375 ta “yulduz” to‘plab uchinchi o‘rinni band etib turibdi.
Shuningdek, “Muloqot” tanlovining eng yuqori o‘nligidagi suratlar 14-oktabr holatiga ko‘ra jami 1784 ta “yulduz” to‘plagan va ularga 1215 ta fikr bildirilgan.
Xullas, tanlov juda qizg‘in davom etmoqda. Buni esa yuqoridagi ko‘rsatkichlardan ham bilish mumkin ;)
Tanlovda ishtirok etish uchun “Muloqot” dasturini Google Play’dan yuklab olish va unga o‘zingiz suratga olgan rasmlarni yuklashingiz zarur. Tanlov g‘oliblari esa eng ko‘p “yulduz” to‘plaganlar reytingi bo‘yicha aniqlanadi va quyidagi sovrinlar bilan taqdirlanadi.
- 1-o‘rin uchun Samsung Galaxy S5 smarfoni;
- 2-o‘rin uchun Samsung Galaxy S4 mini smartfoni;
- 3-o‘rin uchun Samsung Galaxy S3 mini smartfoni;
- va boshqa esdalik sovg‘alari.
Tanlovda ishtirok etish uchun qo‘llanma:
“Muloqot” ijtimoiy tarmog‘ining mobil dasturini Google Play’dan yuklab olishni unutmang! Tanlovdagi ishtirokingizda omad tilaymiz :)
Izoh (0)