O‘zbekistonda oliy o‘quv muassasalariga hujjat topshirgan abituriyentlar soni o‘tgan yili qayd etilgan ko‘rsatkichdan oshdi, deb xabar berdi Xushnudbek.uz.
2013-yilda oliy ta’lim muassasalariga abituriyentlardan tushgan arizalar soni jami 480 407 ta, shu jumladan, kunduzgi bo‘limga 480 163 ta, sirtqi bo‘limga 244 ta hujjat qabul qilingan. Respublika bo‘yicha o‘rtacha tanlov 8,5 ni tashkil etgan.
2014-yilda esa DTM saytidagi maxsus sahifada keltirilgan ma’lumotlarga ko‘ra, mazkur xabar kiritilayotgan vaqtda hujjat topshirgan abituriyentlar soni butun respublika bo‘yicha 486 254 nafarni tashkil etdi.
Ma’lumot uchun, joriy yilda bakalavrlar tayyorlash bo‘yicha kunduzgi bo‘limlarga umumiy qabul kvotasi 57 907, shu jumladan, davlat grantlari bo‘yicha 19 120 va to‘lov-kontrakt asosida 38 787 nafar miqdorida belgilangan.
Izoh (0)