Worldreferee.com saytida berilgan ovozlarga ko‘ra, o‘zbekistonlik hakam Ravshan Ermatov JCh-2014’ning 1-turida ishlagan hakamlar orasida eng yaxshisi bo‘lib turibdi. Bu haqda Stadion.uz xabar berdi.
Hozirda hamyurtimiz 8,1 ballga ega bo‘lib turibdi. Ermatov boshchiligidagi hakamlar brigadasi Shveysariya va Ekvador terma jamoalari o‘rtasidagi o‘yinni boshqargan.
Ikkinchi va uchinchi o‘rinlarni esa 7,6 ball bilan Byorn Kyoypers (Gollandiya) va Nikola Ritssoli (Italiya) egallab turishibdi. Braziliyaliklar Sandro Richchi (7,4) va ivuarlik Numandez Due (7,2) kuchli beshlikka kirishgan. Keyingi o‘rinlarni Milorad Majich (Serbiya, 7,1), Vilmar Roldan (Kolumbiya, 6,8), Feliks Brix (Germaniya, 6,8), Mark Geyger (AQSh, 6,7), Karlos Vera (Ekvador, 6,5) band etishgan.
Eslatib o‘tamiz, 2014-yil 15-iyunda bo‘lib o‘tgan Shveysariya va Ekvador o‘yinidan keyin Ravshan Ermatov 7,6 ball bilan hakamlar ro‘yxatida peshqadamlik qilayotgan edi.
Izoh (0)