AQShning Kaliforniya shtatida bo‘lib o‘tgan Code anjumanida Apple vitse-prezidenti Eddi Kyu kompaniya bu yil o‘zining so‘nggi 25 yil ichida eng yaxshi gadjetlarini taqdim etishini ma’lum qildi. Bu haqda Mail.ru xabar berdi.
Eddi Kyu aynan qanday gadjetlarni nazarda tutayotganiga aniqlik kiritishga shoshilmadi. Biroq Mail.ru taxmin qilishicha, ushbu “eng yaxshi” qurilmalarning dastlabkilari 2-iyun kuniyoq WWDC 2014 anjumani davomida namoyish etiladi.
Unda iWatch “aqlli” soati, eng arzon iMac monobloklari taqdim etiladi. Bundan tashqari, shu yil Apple iPhone 6’ning 4,7 va 5,5 dyuymli ekranlarga ega ikkita variantini, iPad va iPad mini planshetlarining yangi avlodini chiqaradi. Bundan tashqari, noutbuklar lineykasining yangilanishi ham kutilmoqda.
Izoh (0)