Yaponiya mudofaa vaziri Itsunori Onodera imzolagan yangi buyruqqa ko‘ra, agarda Shimoliy Koreya uchiradigan raketalar yoki ularning parchalari Yaponiya hududiga xavf soladigan bo‘lsa, ular urib tushiriladi. Bu haqda NHK telekompaniyasi xabariga asoslanib “RIA Novosti” ma’lumot tarqatgan.
Buyruqni bajarish uchun Yapon dengizida Aegis majmualari bilan ta’minlangan eskadralar patrullik qiladi.
Shimoliy Koreya mart oyining oxirida o‘rta masofaga uchuvchi ikkita raketani sinov tariqasida Yapon dengizi tomonga uchirgan edi. Yaponiya Mudofaa vazirligi ma’lumotiga ko‘ra, ikkala raketa ham 600 kilometrcha masofaga uchgan; taxmin qilinishicha, ular “Nodon” turidagi ballistik raketalardir.
Izoh (0)