2025-yil 19-maydan boshlab O‘zbekiston Milliy banki yangi investitsiya mahsuloti – “Oltin omonat”ni ishga tushirmoqda.
“Oltin omonat” — bu oltin sotib olish uchun maxsus bank hisobraqami bo‘lib, oddiy bank omonatlariga o‘xshaydi, biroq unda pul mabag‘lari o‘rniga naqdsiz ko‘rinishdagi oltin saqlanadi va uning miqdori grammlarda ifodalanadi. O‘zbekiston Milliy banki “Oltin omonat”larida naqdsiz ko‘rinishdagi oltinlar xavfsizligi uchun javobgarlikni o‘z zimmasiga oladi, mijozga bank qutichasini ochish va unga to‘lov qilish zarurati yo‘q.
“Oltin omonat” orqali oltinda sarmoya saqlash, chet el valyutasida ochilgan hisobraqamlar orqali chet el valyutasida sarmoya saqlashga o‘xshaydi, ammo oltin inflyatsiya va valyuta tebranishlariga chidamli va barqaror aktiv hisoblanadi.
Tarixga nazar tashlaydigan bo‘lsak, Vatanimizda oltin mol-mulk yig`ish va saqlash madaniyatida azaldan alohida o‘rin tutgan. Avlodlar davomida xalqimiz zargarlik buyumlari, quymalar va tangalar shaklida eng ishonchli aktiv sifatida oltinga sarmoya kiritgan. Bu nafaqat jamg‘armalarni saqlash turi, balki barqarorlik va ertangi kunga ishonchning umume’tirof etilgan ramzi ham hisoblangan.
“Oltin omonat” ishga tushirilishi bilan O‘zbekiston Milliy banki an’anaviy yondashuvning zamonaviy yechimi — mobil ilova orqali qulay tarzda boshqarilishi mumkin bo‘lgan raqamli oltinni taklif etadi.
Yangi mahsulot shaffoflik, ishonchlilik va axloqiy tamoyillarga muvofiq ishlab chiqilgan bo‘lib, bu uni an’anaviy moliyaviy qadriyatlarga amal qiladigan mijozlar uchun yanada jozibador vositaga aylantiradi. Foizlar yo‘qligi, spekulyativ amaliyotlarning mavjud emasligi va sarmoya boshqaruvining soddaligi “Oltin omonat”ni oqilona va barqaror sarmoya kiritishga intilayotganlar uchun qulay yechimga aylantiradi.
Qanday maqsadlar uchun “Oltin omonat” ochish mumkin:
- AQSH dollari yoki yevroda jamg‘arma saqlash o‘rniga
- Ko‘chmas mulkka sarmoya kiritish o‘rniga
- Bolalar kelajagiga investitsiyalar
- Uzoq muddatli jamg‘arma shaklida
“Oltin omonat”ga sarmoya kiritishning foydali jihatlari:
London qimmatbaho metallar bozori assotsiatsiyasi ma’lumotlariga ko‘ra, so‘nggi 5 yil ichida oltin narxi 95 foizga, so‘nggi 10 yil ichida esa 165 foizga qimmatlashgan. Bunday barqaror o‘sish oltinning yuqori investitsion afzalligini ko‘rsatadi va “Oltin omonat”ni uzoq muddatli kapitalni saqlash va ko‘paytirishning samarali vositasiga aylantiradi.
“Oltin omonat”ning asosiy afzalliklari:
— Foiz stavkasi bilan cheklanmagan daromad olish imkoniyati (omonatlardan farqli o‘laroq)
— Bank ofislarida 5 grammdan boshlab (joriy kurs bo‘yicha taxminan 500 AQSH dollarga teng), Milliy ilovasida esa cheklovlarsiz oltin sotib olish imkoniyati mavjud
— Hisobni to‘ldirish va qisman yechib olish imkoniyati - shunchaki oltinning bir qismini istagan paytda bankga sotish orqali, komissiyasiz pul mablag‘larini qabul qilasiz.
— Hisobni istalgan vaqtda yopish mumkin - yo‘qotishlarsiz va qo‘shimcha to‘lovlarsiz
— “Oltin omonat” orqali oltin sotib olish bo‘yicha bitimlar QQSga tortilmaydi
— “Oltin omonat”ga foizlar hisoblanmaydi. Daromad metallni sotib olganingizdan so`ng, qimmatroqqa sotsangizgina shakllanadi.
Muhim: Qimmatbaho metallarga sarmoya kiritish bozor xatarlari bilan bog‘liq. Oltin narxi ko‘tarilishi ham, tushishi ham mumkin. Daromad kafolatlanmagan va sotish paytidagi metallning xalqaro bozor qiymatiga bog‘liq.
“Oltin omonat” qanday ochish mumkin?
“Oltin omonat”ni bank bo‘limlarida va Milliy mobil ilovasi orqali ochish mumkin. Bankda hisob rasmiylashtirish uchun bankning eng yaqin ofisiga tashrif buyuring va mijozlar menejeriga murojaat qiling.
Milliy ilovasida buni bor-yo‘g‘i bir necha bosqichda — tez, qulay va navbatsiz amalga oshirishingiz mumkin.
Batafsil nbu.uz saytida.
Reklama huquqi asosida
Izoh (0)