Музқаймоқли ичимлик, картошка фри, шоколадли батон:  IT миллиардерларнинг ўзига хос диеталари

Технологиялар дунёсидаги миллиардерлар ҳар доим ҳам соғлом овқатланиш тамойилларига амал қилмайди, гарчи бунга қурби етса ҳам. Баъзилар замонавий парҳезларга қизиқади, бошқалари нонуштага шоколадни афзал кўради ёки бир неча кун давомида овқатдан умуман воз кечади.

• Илон Маск илгари кўпинча нонушта қилмас ёки фақат шоколадли батон еб, кунни бошлаганини тан олди. Яқиндан бошлаб у ҳар куни пончик билан нонушта қилаётганини айтди. Маск илгари бир кунда саккизта диет кола ичган бўлса, ҳозир ширинлик истеъмолини чеклашга ҳаракат қилмоқда.
• Virgin Group асосчиси Ричард Брансон эса кунига тахминан 20 чашка чой ичади ва одатда эрталабни мевали салат ёки мюсли билан бошлайди. У кўпинча иш бўйича учрашувларини тушлик вақтида ўтказиб, иш ва овқатланишни бирлаштиришни ёқтиради.
• 2011 йилдан бери Марк Цукерберг фақат ўзи ўлдирган ҳайвонларнинг гўштини ейишга қарор қилган. Бир сафар у Жек Дорсини эчки гўшти билан меҳмон қилган.
• Amazon асосчиси Жефф Безос бир куни нонуштага картошка, бекон ва саримсоқли йогуртли саккизоёқ буюртма қилган, бу эса унинг янги таъмларни синаб кўриш истаги билан боғлиқ бўлган. Дам олиш кунлари у Бетте Кроккер китобидаги рецепт бўйича панкейк тайёрлайди.
• Билл Гейтс кунига тўрт дона диет кола ичади ва эрталабни шоколадли ёрма билан бошлашни яхши кўради. У шунингдек, чизбургерни хуш кўради, баъзида овқат ўрнига Танг ичимлиги билан кифояланади.

• Стив Жобс ўзининг қатъий вегетариан диетаси билан машҳур бўлиб, баъзан ҳафталар давомида фақат бир турдаги овқат билан чекланиши мумкин эди.
• Twitter асосчиси Жек Дорси эса “палео диетаси” каби қатъий диеталарга амал қилади ва ҳаттоки очликни синаб кўради, фақат бир маҳал овқатланиш билан чекланади.
• Инвестор Уоррен Баффет газланган ичимликларни яхши кўради ва кунига бешта кола ичади, уни кўпинча картошка фри ёки музқаймоқ билан қўшиб истеъмол қилади. У ҳазиллашиб, диетасини олти ёшли болалар рационига ўхшатади.
• Кернел асосчиси Брайан Жонсон кунлик калориясини 1 977 ккл га чеклайди ва қатъий веган диетага амал қилади. Унинг куни таркибида коллаген ва какао флаваноллари каби ингредиентлар мавжуд бўлган яшил смузи билан бошланади.

• ОпенАИ асосчиси Сем Алтман болалигидан вегетариан бўлиб, омега-3 ва D3 витамини каби қўшимчалар қабул қилади. У, шунингдек, қариш жараёнларини секинлаштириш учун метформин қабул қилишни ҳам бошлаган.
• Миллиардер Марк Кюбан нонушта учун Алйссаъс Cookieс компаниясининг икки дона печенесини афзал кўради, у бир вақтлар ушбу компанияга инвестиция қилган. Баъзан у уч маҳал овқатда ҳам шу печенеларни истеъмол қилади.

Шундай қилиб, ҳатто энг муваффақиятли инсонлар ҳам соғлом турмуш тарзидан йироқ бўлган овқатланиш одатларига эга бўлиши мумкин