Лондоннинг “Челси” клуби етакчиси, Клублар ўртасидаги Жаҳон чемпионатининг энг яхши футболчиси деб топилган Коул Палмер “Реал Мадрид”га ўтиши мумкин. Маълумотларга кўра, футболчининг трансферига шахсан “қироллик клуби” бош мураббийи Хаби Алонсо қизиқиш билдирган.
Мутахассис Палмерни “Европа футболининг энг катта кашфиётларидан бири” деб атаб, ўз тактик схемасига мос футболчи деб ҳисоблайди ва уни жамоасининг муҳим бўғини сифатида кўрмоқда. Айни вақтда 22 ёшли ярим ҳимоячи ва “Челси” ўртасида тузилган шартнома 2033 йилгача амал қилади. Унинг трансфер қиймати тахминан 120 миллион еврога баҳоланмоқда.
Бироқ Коул “Челси”нинг “сотилмайдиган” футболчилари рўйхатида турибди. Палмер Лондон клубининг янги мавсум учун тузган режасининг асосий фигуралардан бири ҳисобланади. Шунингдек, уни ўтган мавсум кўрсатган ёрқин ўйини “Челси”нинг ажралмас футболчисига айлантирди. Клубга яқин манбалар “қироллик клуби”нинг Палмер бўйича уриниши ҳақида “деярли имконсиз трансфер” дея изоҳ берган.
Агар Коул Палмернинг ўзи жамоадан кетишни истамаса — ҳозирча бу трансфернинг амалга ошиш эҳтимоли паст ёки “кўклар” оғир молиявий босим остида қолмаса, футболчи бўйича ҳар қандай музокаралар боши берк кўчага кириб қолади.
Изоҳ (0)