Ўзбекистоннинг олтин-валюта захиралари ҳажми 2024 йил декабридан буён биринчи марта пасайди.
Марказий банк маълумотларига кўра, 2025 йил 1 июль ҳолатига кўра, захиралардаги активларнинг умумий қиймати 48,55 миллиард долларни ташкил этди. Бу ўтган ойга нисбатан 1,11 миллиард долларга ёки 2,24 фоизга камдир. Июнь ойида олтин-валюта захиралари ҳажми 49,66 миллиард долларни ташкил этганди.
Олтин захиралари бир ойда 763 миллион долларга ошиб, 38,42 миллиард долларга етди ҳамда қиймат жиҳатидан рекорд янгиланди. Бу олтин захираси физик ҳажмининг ошиши (11,4 миллиондан 11,7 миллион трой унсиясигача) ҳисобига юз берди.
Июнь ойида Ўзбекистоннинг валюта захиралари 1,88 миллиард долларга камайди. Марказий банк томонидан сотиб олинган қимматли қоғозлар ҳажми эса 708,8 миллион долларга ошди.
Халқаро олтин кенгаши маълумотларига кўра, Ўзбекистон 2025 йил бошидан бери дунё бўйича энг кўп олтин сотди. Мамлакат ярим йил ичида қарийб 27 тонна олтин экспорт қилган. Яқин Шарқдаги янги геосиёсий тарангликлар олтиннинг стратегик аҳамиятини янада оширди. Чунки кўплаб марказий банклар қимматбаҳо металлни ўз захираларини сиёсий хатарлардан ҳимоя қилиш воситаси сифатида кўради.
Изоҳ (0)