“Манчестер Сити” бош мураббийи Пеп Гвардиола ҳали ҳам таркибда футболчилар сонини камайтириш тарафдори. Бу эса жорий ёзги трансфер ойнасида бир нечта футболчиларнинг клубни тарк этишига олиб келиши мумкин. Бу ҳақда The Athletic нашри хабар берди.
Манбага кўра, қуйидаги олти футболчи “шаҳарликлар” сафини тарк этиши эҳтимоли бор:
- Жон Стоунс (ҳимоячи)
- Нико ЎРайли (ҳимоячи)
- Матео Ковачич (ярим ҳимоячи)
- Илкай Гундўған (ярим ҳимоячи)
- Клаудио Эчеверри (ярим ҳимоячи)
- Оскар Бобб (ҳужумчи)
Клуб раҳбарияти ушбу футболчилар билан тўлиқ ёки ижара асосида хайрлашиши мумкин.
Шу билан бирга, манбада таъкидланишича, норвегиялик ҳужумчи Оскар Боббнинг жамоани тарк этиш эҳтимоли жуда паст. У жорий мавсумда жароҳат сабаб деярли майдонга туша олмаган бўлса-да, яқинда ўтказилган мавсумолди йиғинларида мураббийлар штабида яхши таассурот қолдирган.
Изоҳ (0)