Каталониянинг “Барселона” клуби футболчиси Ламин Ямал Хитойдаги бир телекўрсатувда барча даврларнинг энг яхши футболчилардан иборат рамзий жамоасини маълум қилди. 18 ёшли футболчининг танлови дунё футболининг машҳур юлдузларидан иборат бўлиб, унда Испания, Бразилия, Франция, Аргентина ва Португалиядан таниқли футболчилар ўрин олган.
Ямал томонидан тузилган “Орзулар жамоаси” қуйидагича кўринишга эга:
- Дарвозабон: Икер Касиляс (Испания)
- Ҳимоячилар: Дани Алвеш (Бразилия), Жерар Пике (Испания), Серхио Рамос (Испания), Марсело (Бразилия)
- Ярим ҳимоячи: Зинедин Зидан (Франция)
- Ҳужумчилар: Лионель Месси (Аргентина), Криштиану Роналду (Португалия), Роналдиньо (Бразилия), Неймар (Бразилия), Роналдо (Бразилия)
Ямал 2023 йилдан бери “Барселона”нинг асосий жамоасида тўп сурмоқда. У клуб сафида ҳозиргача Ла Лига, Испания Кубоги, Испания Суперкубоги ҳамда яна бир маҳаллий турнирда ғолибликни қўлга киритган.
Шунингдек, у 2024 йилги Европа чемпионатида Испания терма жамоаси билан зафар қучди. Ҳозирда Ямал нафақат “Барселона”, балки бутун жаҳон футболида энг истиқболли ёш иқтидорлардан бири сифатида эътироф этилмоқда.
Изоҳ (0)