Буюк Британия Бош вазири Кир Стармер ва Германия Федерал канцлери Фридрих Мерс Иккинчи жаҳон уруши тугаганидан бери Буюк Британия ва Германия ўртасидаги энг йирик икки томонлама шартномани имзолади. Бу ҳақда BBC хабар бермоқда.
Кенсингтон шартномаси деб номланган ҳужжат мудофаа, миграция ва стратегик ҳамкорлик каби асосий соҳаларни қамраб олади.
Шартнома Европа Иттифоқи ва Буюк Британия келишувлари доирасида икки томонлама савдони мустаҳкамлашни, эркин ва очиқ бозорларга содиқликни таъминлашни, шунингдек, иқтисодий ўсиш орқали бандликни ошириш ва юқори сифатли иш ўринлари сонини кўпайтиришни назарда тутади. Шунингдек, ҳужжат билан иқлим бўйича Париж келишувида кўзда тутилганидек, глобал исишни саноатдан олдинги даражадан 1,5°C гача чеклаш мажбуриятини тасдиқланган.
Буюк Британия бош вазири Кенсингтон шартномасини “ўз турида биринчи келишув” деб атаган ва у “ҳозирги шароитда икки давлат ўртасидаги муносабатларнинг яқинлигини” ҳамда янада яқинроқ ҳамкорлик қилиш интилишларини акс эттиришини таъкидлаган. Хусусан, янги келишув биргаликда ишлаб чиқарилган ҳарбий техникаларни экспорт қилишни осонлаштиради
“Келишув шунчаки декларация эмас, балки мамлакатларимиз қанчалик яқинлиги ва келажакдаги қўшма режаларимиз қандайлигини кўрсатувчи тарихий ҳужжатдир. Мен ушбу беқарорлик даврида мамлакатларимиз ва ҳукуматларимиз ўртасидаги яқин муносабатлар айниқса муҳим эканидан жуда мамнунман”, дейди Стармер.
Германия канцлер Мерс Кенсингтон шартномаси имзоланиши чоғида бу Иккинчи жаҳон урушидан бери Буюк Британия ва Германия ўртасидаги биринчи шартнома эканлигини билгач “ҳайратга тушганини” айтган.
“Сиз Европа Иттифоқида эдингиз ва биз бу етарли деб ўйлардик. Лекин энди биз бунинг етарли эмаслигини тушуниб етдик, шунинг учун биз бу йўналишда кўпроқ иш қилишимиз керак”, деди у.
Изоҳ (0)