Англиянинг “Ливерпуль” клуби ёзги трансфер ойнасида “Ньюкасл Юнайтед” ҳужумчиси Александер Исакни ўз сафига қўшиб олишни истамоқда. Бу ҳақда инсайдер Флориан Плеттернберг ижтимоий тармоқдаги саҳифасида хабар берди.
Манбага кўра, мерсисайдликлар 25 ёшли швециялик футболчи учун дастлабки таклифни тайёрламоқда. Трансфер суммаси 100-120 миллион евро атрофида бўлиши кутилмоқда. Таъкидланишича, икки клуб ўртасида музокаралар аллақачон бошланган. Агар музокаралар ижобий якунланса, бу инглиз клуби тарихидаги энг йирик трансферлардан бирига айланади.
Маълумот учун, Исак ўтган мавсум барча мусобақалар доирасидаги 42 та ўйинда майдонга тушиб, 27 та гол ва 6 та голли узатма муаллифига айланган. Унинг “Ньюкасл” билан амалдаги шартномаси 2028 йилнинг июнь ойи охиригача мўлжалланган. Transfermarkt портали Александер Исакнинг қийматини 120 миллион еврога баҳоланмоқда.
Изоҳ (0)