Туркий давлатлар вакиллари Бокудаги йиғилишда лотин алифбосига асосланган, 34 та ҳарфдан иборат ягона алифбо бўйича келишиб олди.
Бокуда 9-11 сентябрь кунлари Туркий давлатлар ташкилоти томонидан тузилган Турк дунёсининг ягона алифбоси бўйича комиссиянинг 3-йиғилиши бўлиб ўтди. Унда соҳада билим ва тажриба алмашиш, комиссиянинг икки йиллик тажрибаси асосида туркий тиллар учун умумий алифбо лойиҳаси устида ишлашни якунлаш муҳокама қилинди.
Йиғилишда олимлар томонидан 1991 йилда таклиф этилган лотин алифбосига асосланган умумий туркий алифбо лойиҳаси кўриб чиқилди. Муҳокамалар натижасида 34 ҳарфдан иборат умумий туркий алифбо бўйича умумий келишувга эришилди. Aлифбодаги ҳар бир ҳарф туркий тилларда мавжуд бўлган турли фонемаларни акс эттиришига алоҳида эътибор қаратилди.
“Сессия ишининг муваффақиятли якунланиши тарихий аҳамиятга эга. Умумий туркий алифбонинг яратилиши нафақат туркий халқлар ўртасидаги ўзаро англашув ва ҳамкорликни мустаҳкамлайди, балки уларнинг тилларини сақлаб қолишга ҳам ҳисса қўшади”, дейилади хабарда.
Тадбир ташкилотчилари тегишли муассасаларни “таклиф этилаётган ягона туркий алифбони амалга оширишда самарали ёрдам кўрсатишга” чақирди.
Изоҳ (3)
Daryo.uz ga yana bitta narsani tavsiya beraman, Agar bu saytni rivojlantirish maqsadi bo'lsa, yangiliklarni muhimlik darajasiga qarab katigoryalarga bo'lsa va sohalarga qarab ham kategoryalarga bo'lsa bo'ladi. Shunda sayt foydalanuvchilariga jamiyatimizda bo'layotgan voqealarga aniqroq qarash mumkin bo'lardi
hozirgi sharoitda kril yoki lotincha alifbolarda o'rtasida tushummovchilik borda maktablarda o'qitilayotgan alifbo lotincha davlat tashkilotlarida esa kril alifbosida ish yuritiladi. Agar yangi alifbo chiqsa yangi alifboga o'tishni tezlashtirish va hamma joyda umumiy alifba qo'lash kerak. Ikki xil alifbodan foydalanmasdan
Zo'r yangilik bo'libdi. Vanihoyat 30 yildan ortiq kutilgan islohotlar boshlanadi. Umumiy alifbo barcha Turkiy xalqlarni birlashtirishga xizmat qilishi aniq.