Тожикистон фуқаролари Бирлашган Араб Амирликлари (БАА) ҳеч қандай тушунтиришсиз виза беришдан бош тортгани ҳақида хабар бермоқда. Бу ҳақда “AsiaPlus” маълум қилди.
![](/static/2024/08/28/photo_2024-08-28_17-19-11-IJOUcFw6.jpg)
Мазкур муаммони бир қанча сайёҳлик компаниялари вакиллари ҳам тасдиқлаган.
Хусусан, Тожикистондаги Prestige Tour сайёҳлик компанияси вакилининг нашрга маълум қилишича, ҳозирда фақат эркакларга виза берилмайди.
Мана 15 кундан бери Тожикистон фуқаролари бу муаммога дуч келмоқда. Агар бутун оила учун виза сўралса, у берилади, лекин эркаклар алоҳида мурожаат қилса, уларнинг аризалари рад этилади. Рад этиш сабаблари ҳозирча тушунтирилмаган, бироқ элчихона бизга виза амал қилиш муддати бир соатдан ҳам ошган фуқароларга рад жавоби берилишини айтди, деди компания вакили.
“Fly.tj” сайёҳлик компанияси вакили Ҳикматулло Жўраев ҳам “AsiaPlus”га берган интервьюсида ёлғиз виза олишни хоҳловчи эркакларнинг аризалари рад этилаётганини тасдиқлаган.
Fly Dubai’да бизга Тожикистон фуқаролари Дубайга келиб, қонунни бузаётгани, шунинг учун бу мамлакатга ёлғиз ўзи борадиган эркакларга визалар берилмаслигини айтишди, деди Жўраев.
Унинг қўшимча қилишича, ҳозирда “Fly.tj” якка тартибда саёҳат қилиш учун ариза берган эркаклардан аризаларни қабул қилмайди. Жўраевнинг сўзларига кўра, эркаклар учун виза олиш муаммоси 20 кундан ортиқ вақтдан бери мавжуд.
“Atlas Tour” сайёҳлик компанияси ҳам эркакларга визалар берилмаслигини, лекин аёллар ва оилалар уларни муаммосиз олишини айтган. Компания вакиллари, шунингдек, расмийлар эркаклар учун виза беришдан бош тортиш сабабларини тушунтирмаганини маълум қилган.
Бизга маълум бўлишича, Дубайда ноқонуний ишлаётган Тожикистон фуқаролари аниқланган ва шунинг учун эркакларга визалар берилмайди. Ҳозирча расмий тушунтириш олганимиз йўқ, дейди компания.
Тожикистон ТИВ нашрга маълум қилишича, улар БААда виза олиш билан боғлиқ муаммодан хабардор ва уни ҳал қилиш устида иш олиб бормоқда.
Биз бу муаммодан хабардормиз, аниқлик киритиш учун БАА вакиллари билан боғландик ва уларнинг жавобини кутмоқдамиз, деди вазирлик.
2022 йил 1 январдан Тожикистон 52 та хорижий давлат, жумладан, БАА ва Баҳрайн билан бир томонлама визасиз режим жорий қилган, бу эса ушбу давлат фуқароларига Тожикистонда 30 кун визасиз қолиш имконини берган эди.
Изоҳ (0)