SpaceXънинг қайта фойдаланиш мумкин бўлган Cargo Dragon космик кемаси якшанба куни Халқаро космик станцияга (ХКС) учади, деб хабар берди NASA.
Ноқулай об-ҳаво туфайли бир кун кейинга қолдирилган SpaceX компаниясининг Falcon 9 ракетаси ёрдамида кеманинг учирилиши АҚШ вақти билан 12:12 да Канаверал қирғоғидаги 39А учириш мажмуасидан амалга оширилиши режалаштирилган.
Космик кеманинг ХКСнинг Америка сегментидаги Harmony модулига қўшилиши 6 июнь куни бўлиб ўтади.
Космик кема станцияга уч тоннага яқин озиқ-овқат, шунингдек, экипаж томонидан ўнлаб илмий тажрибалар ўтказиш учун асбоб-ускуналар ва материаллар етказиб беради.