“Ўзига керак пайтда кимлигини кўрсатиб қўядиган маҳалла раислари муаммо келганда қочади” — Навбаҳор Имомова

“Дарё” интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда “Маҳалла. Муаммо. Мулоҳаза” лойиҳасини тақдим этиб келмоқда. Лойиҳанинг 17-сони мавзуси “Америкада Ўзбекистон овози” бўлиб, дастур меҳмони сифатида “Америка овози” журналисти Навбаҳор Имомова таклиф этилди.

— Америка маҳаллаларидаги ташкилотлар ноҳукумат ташкилотлар ҳисобланади: сиз уни хоҳласангиз тузасиз, хоҳламасангиз йўқ. Мана шу ташкилотлар давлат ҳамда халқ ўртасидаги кўприк, у фуқаролар ташаббусига асосланади, маълум масалалар билан шуғулланади. 

Лекин маҳалланинг маҳалла бўлишига йўл қўйиб бериш керак. Балки, одамлар қийналиб ўрганишар маҳалла нима эканини.

Масалан, сиз раис бўлсангиз, одамлар кўзида ҳокимиятсиз, ҳокимиятнинг энг кичик бўлагисиз. Шунинг учун уларни “Мен — аслида, сенман”, деб ишонтириш жуда қийин.