Тошкент шаҳридаги туманларнинг бирида яшовчи уч нафар эркак ва бир аёл спиртли ичимликдан заҳарланиб вафот этди. Бир киши эса комада қолмоқда. Бу ҳақда «Дарё»нинг соғлиқни сақлаш тизимидаги манбаси хабар берди.
Таъкидланишича, 2022 йилнинг 8 октябрь куни пойтахт туманларининг бирида яшовчи 36 ёшли эркак соғлиғидан шикоят қилиб, шифохонага ётқизилган. Ва спиртли ичимликдан заҳарланиши оқибатида шифохонада вафот этган.
Бундан ташқари 9 октябрь куни айнан шу туманда яшовчи икки нафар эркак ва бир аёл ҳам спиртли ичимликдан заҳарланиб, шифохонага ётқизилган. 44 ва 65 ёшли эркак, шунингдек, 56 ёшли аёл спиртли ичимлик истеъмол қилиб, соғлиги ёмонлашгани сабаб шифохонага олиб келинган ва кўрсатилган тиббий ёрдамларга қарамасдан вафот этган, — дейди манба.Манбанинг қўшимча қилишича, шифохонага кеча, 9 октябрь куни заҳарланиши сабаб олиб келинган 33 ёшли эркак эса айни пайтда комада қолмоқда.
Мазкур ҳолат бўйича расмийлар ҳозиргача изоҳ бермаган.