Бугун,

  • USD 11095.31
  • RUB 173.84
  • EUR 10772.44

Ёқутистондаги Оржоникидзе майдонида сафарбарликка қарши 400 га яқин одам, асосан, аёллар норозилик намойиши ўтказди, деб хабар бермоқда SakhaDay.

Фото: SakhaDay

Фото: SakhaDay

Акция Ёқутистон анъанавий айлана осуохай рақси кўринишида ўтказилди. Ёш қизлар биринчи бўлиб қўл ушлашди, уларни ёши катта аёллар қўллаб-қувватлади, шундан сўнг бошқа намойишчилар аста-секин даврага қўшила бошлади. «Урушга йўқ!», «Геноцидга йўқ!», «Чиқиб кет!» шиорлари янгради.

Дастлаб полиция намойишчиларни тарқалишга ундаган, кейин четга чиқиб, аёлларга рақсни давом эттириш рухсат берган. Аммо бироздан сўнг полиция айлана рақс марказида пайдо бўлган. SakhaDay томонидан эълон қилинган видеода аёлларнинг «Фарзандларимизнинг яшашига қўйиб беринг!» деган чақириқлар эшитилади.

Бироз муддатдан сўнг намойишчиларни ҳибсга олиш бошланган, қанча одам ҳибсга олингани номаълум.

Ёқутистон Жамоатчилик палатаси раҳбари Анжелика Андреева акция чоғида «Ёқутистоннинг марказий майдонида осуохай рақси бўлиб ўтмоқда – оналар турмуш ўртоқлари ва ўғилларининг тирик қайтиши учун дуо қилмоқда» дея баёнот берди.

Россияда сафарбарликка қарши ҳаракатлар 21 сентябрда бошланган. Ўша куни Россия шаҳарларида 1300 дан ортиқ одам ҳибсга олинган. «ОВД-Инфо»нинг сўнгги маълумотларига кўра, 24 сентябрь куни бўлиб ўтган намойишларда 800 дан ортиқ одам ҳибсга олинган.

Изоҳ
Асосий янгиликлар
Маслаҳатлар
Бир неча дақиқа ичида джинси кийимлардан ёғ доғларини тозалашга ёрдам берадиган усуллар
Маҳаллий
Сурхондарёда «Жигули» қўйлар подасини уриб юборди
Маҳаллий
«Биз учун ЖСТга қўшилиш мутлақ устувор вазифа» –  ташқи савдо вазири ўринбосари Бадриддин Обидов