Европа Комиссияси бугун, 18 май куни Украинага 9 млрд евро миқдорида кредит беришни таклиф қилди. Бу ҳақда Reuters хабар бермоқда.
Бунга сабаб қилиб Россия босқинига қарши курашаётган ва урушдан кейин қайта қуриш сиёсатини барпо этмоқчи бўлган мамлакатни сақлаб қолиш айтилган.
9 млрд кредит учун пул Европа Иттифоқи ҳукуматларининг кафолатлари билан қўллаб-қувватланган макромолиявий ёрдам механизми доирасида бозорлар бўйича комиссия томонидан қарзга олинади.
Биз ҳозиргача тақдим этилган муҳим қисқа муддатли ёрдамни 2022 йилда Украина учун 9 млрд еврогача бўлган янги фавқулодда макромолиявий ёрдам билан тўлдиришни таклиф қилмоқдамиз, — деди Комиссия раҳбари Урсула фон дер Ляен.Бундан ташқари, у Европа Иттифоқи Украинага ёрдам берадиган ягона ташкилот бўлмаслиги кераклигини айтди.
Биз Европа Иттифоқига аъзо давлатлар, халқаро молия институтлари ва бошқа ҳамкорларни бирлаштириш мақсадида қайта қуриш платформасини таклиф қиламиз, — деди Комиссия раҳбари.Аввалроқ Украинани қайта тиклашга 500-600 млрд евро керак бўлиши хабар берилган эди.
Изоҳ (0)