«Титаник»кемасининг сувга туширилганга 110 йил бўлгани муносабати билан Legо компанияси кеманинг 1:200 кўламли аниқ моделини яратди.
Маълум қилинишича, 9090 деталь ўрин олган «Титаник» Lego’даги энг катта жамланмалардан бир бўлади.
Унинг таркибидаги қисмлар сони аввалроқ тақдим қилинган 9036 деталли Колизейдан ошиқ, аммо 11 695 элементли Art World Map’дан кам ҳисобланади.
Унга безак беришда «наклейка»лардан фойдаланилмаган, бунинг ўрнига расмли деталлар қўлланилган. Йиғилган модель узунлиги 135 сантиметр, баландлиги 44 сантиметр, кенглиги эса 16 сантиметрни ташкил қилади. Нархи 630 долларни ташкил қиладиган жамланмага 2021 йилнинг 1 ноябрдан бошлаб олдиндан буюртма бериш мумкин. 8 ноябрдан эса Lego’ли «Титаник» чакана савдога чиқарилади.
Аввалроқ Legо «Гарри Поттер ва ҳикматлар тоши» фильмига 20 йил тўлиши муносабати билан янги жамланмани тақдим этгани ҳақида хабар берилганди.