Машҳурлардан кимлар турли сабабларга кўра ота-онаси билан судлашишига тўғри келгани ҳақида маълумот бериб ўтамиз.
Бритни Спирс
Жеймс Спирс мана 13 йилдирки, қизи Бритнига васийлик қилади. Қизининг ҳаётини назорат қилади, қаерда чиқиш қилиши, нима қилиши кераклигини ўргатади, шахсий ҳаёти билан боғлиқ қарорларни ҳам у ҳал қилади. Спирс аллақачон қайлиғи Сем Асгарига турмушга чиқиб, фарзандли бўлишни истайди. Бундан ташқари, хонанда уни шифокор ва ҳамширалар уни кузатиб, дори воситаларини ичишга мажбур қилишидан шикоят қилади. Мухлислари аллақачон унинг аҳволи яхши эмаслигидан шубҳаланган, аммо Бритни ҳаммаси яхши эканлигини айтиб алдаган. «Менда ҳаммаси яхши, бахтли эканимни айтиб, бутун дунёга ёлғон гапирганман. Мен буни инкор қилганман, шокда бўлганман», — деган актриса. Айни вақтда отаси билан судлашаётган Бритни Жеймс унга бошқа васийлик қилишини истамайди. Аммо сал аввалроқ суд унинг талабини рад қилган, бу эса суд жараёнлари ҳали давом этишини билдиради.
Дрю Бэрримор
Дрю тақиқланган моддалар ва спиртли ичимликларга эрта, яъни 10 ёшдан ружу қўйганини яширмаган. Онаси буни билиб турса ҳам қизини тўхтатмагани етмагандек, уни клубларга ўзи билан бирга олиб юрган. 13 ёшида эса Дрюни реабилитация марказига жойлаштириб, ўз ҳаёти билан овора бўлиб кетган. Оқибатда Дрю соғайганидан кейин онасини судга бериб, уни ота-оналик ҳуқуқидан мосуво қилишларини сўраган.
Маколей Калкин
Маколей ҳам Дрю Бэрримор сингари эрта машҳурликка эришган. Ота-онаси эса ўғлининг ортидан миллионлаб маблағларга эга бўлган. Отасини ўғли маълум бир лойиҳада иштирок этишни хоҳлаш ёки хоҳламаслиги қизиқтирмаган. Ўсмир ёшига етганида эса ота-онаси ажрашишга қарор қилган. Мана шундан кейин ҳаммаси бошланган, уларнинг ҳар иккиси ҳам бадавлат фарзандига васийлик қилиш учун кураша бошлаган. Аммо актёрнинг ўзи ҳаммасига нуқта қўйишни истаган ва уларни ота-оналик ҳуқуқидан маҳрум қилишни сўраб судга мурожаат қилган.
Рианна
Рианнанинг отаси машҳур қизининг исмидан фойдаланиб бизнес қилмоқчи бўлган. Хонанда ундан тинч қўйишини ва ишларига аралаштирмасликни сўраган. Шунга қарамай Рональд 2009 йилда Fenty Entertainment компаниясига асос солган ва ҳаммага қизининг номидан расман иш юритган. Бунга жим қараб туролмаган қўшиқчи отасини судга берган ва унда ютиб чиққан.
Бейонсе
Бейонсе шоу-бизнесга у учун эсда қоларли образлар ўйлаб топган отаси сабаб кириб келган. Мэттью қизига мукаммал, чиройли ва истеъдодли хонанда бўлиши учун вокал ва спорт билан шуғулланиши кераклигини айтган. Санъат оламига кирганидан кейин эса унинг хизмат сафарларини отаси уюштирган. Кейинчалик Бейонсе гонорарнинг асосий қисмини отаси ўзига олиб қолаётганини билиб қолган. Шундан кейин у отасидан ўзига тегишли пулларнинг бир қисмини беришини сўраган, аммо Мэттью ҳеч нарсани эшитишни истамаган. Судга бериш ҳам бу масалага ечим бўла олмаган. Яхши адвокат ёллаган отаси бу ишда ютиб чиққан.