Аксарият инсонлар ошқозонида бўшлиқни ҳис этади. Овқатга тўйганини билмайди. Бунинг бир нечта сабаблари бўлиб, уларни бартараф этиш саломатлик учун фойдалидир.
Меъёрида овқат истеъмол қилмаслик
Одатда парҳез тутаётганлар овқат ўрнига бодринг ёки шунга ўхшаш сабзавотлар билан чекланади. Парҳездан сўнг эса ҳақиқий тартибсизлик бошланади — барча нарса кетма-кет истеъмол қилинади. Мутахассислар оқсил, соғлом ёғлар ва клетчаткага бой маҳсулотлар тановул қилишни тавсия этади.
Стресс
Ишдаги муаммолар, қийинчиликлар, барча арзимаган нарсаларни эслаб қолиш қобилияти — буларнинг барчаси стресснинг келиб чиқишига сабаб бўлади. Тана кортизол ва грелинни фаол равишда ишлаб чиқаришни бошлайди, бу эса очлик ҳиссини беради. Бунинг учун сайр қилиш билан ўзни чалғитиш керак, сўнгра стрессни келтириб чиқараётган сабаблар билан курашиш зарур.
Чарчоқ
Замон қанчалар ривожланган бўлмасин, чарчоқ барчанинг муаммосига айланган. Айниқса, кўп ишлаб, оз ухлайдиганлар учун. Натижада тўйинганлик ҳиссини берувчи лептин гормони шунчаки ишлашни тўхтатади.
Ширинликлар
Ижтимоий тармоқларда турли хил ширинликлар суратини томоша қилиш ҳам очлик ҳиссини пайдо қилади. Шунинг учун соғлом ва витаминларга бой таомларга қараш овқатланиш одатларини тўғри шакллантиради.
Шошиб овқатланиш
Бу, албатта, тўймасликни англатади. Овқатланиш жараёнида ишлаш ёки кам вақт ажратиш инсонни чалғитади. Натижада шунчаки нима ва қанча таом истеъмол қилинганини билишнинг иложи бўлмайди.
Инсулин билан боғлиқ муаммолар
Доимий очлик иккинчи тоифа қандли диабетнинг бошланишидан дарак бўлиш мумкин. Бундай вақтда тана инсулинга жавоб беришни тўхтатади. Шакар миқдори ортиб, тана кўпроқ овқат талаб этади. Албатта, вақт ўтказмасдан шифокорга мурожаат қилиш зарур.
Нотўғри овқатланиш тартиби
Кўпчилик аввал ширинлик, кейин овқат истеъмол қилади. Натижада тўйинганлик ҳисси бир оз кечроқ пайдо бўлади. Меъёрида овқатланиш учун тартибни тўғри сақлашга ҳаракат қилиш зарур.