Жаҳон автомобиль саноати бозорини япон машиналари эгаллади. Бу ҳақда Focus2Моvе автомобиль порталининг ҳисоботига таяниб, «Korrespondent.net» хабар берди.
2020 йилда энг кўп сотилган енгил машиналар рейтингида биринчи ўринни Toyota Corolla седани эгаллаган. Рўйхатдаги қолган тўртта ўрин ҳам япон автомобилларига тегишли.
Статистикага кўра, ўтган йили 1 097 556 дона Toyota Corolla седани сотилган. Бу 2019 йилга нисбатан 10,5 фоизга кам демак.
Иккинчи ўрин Toyota RAV4 кроссоверига насиб этди. 2020 йилда ушбу моделдан 995 762 нусха сотилган. Рейтингнинг учинчи поғонасида Honda CR-V кроссовери жойлашган бўлиб, ундан йил давомида 736 980 нусха сотилган ва бу кўрсаткич ундан олдинги йилга нисбатан бироз паст.
2020 йилда энг кўп сотилган машиналар қаторидан япон автомобилларидан ташқари, Volkswagen’нинг иккита модели ҳам ўрин олган.
Аввалроқ J.D. Power консалтинг агентлиги минилган машиналар эгалари ўртасида ҳар йилги сўровномасини ўтказиб, дунёдаги энг ишончли уч йиллик автомобиллар рейтингини тақдим этганди. Етакчилар қаторидан Lexus, Porsche ва Kia маркалари ўрин олган.