Футбол бўйича Англия Премьер Лигасининг 25-тури доирасида «Манчестер Юнайтед» ўз уйида 21 февраль, якшанба куни «Ньюкасл»ни қабул қилди.
Ўйинни Манчестер жамоаси тўлиқ назоратида ушлади. 30-дақиқада Маркус Рэшфорд мезбонларни олдинга олиб чиққан бўлса, орадан 6 дақиқа ўтиб, Аллан Сен-Максимен мувозанатни тиклади.
57-дақиқага келиб Дэниэл Жеймс «қизил иблислар»ни яна ҳисобда олдинга олиб ўтди. 75-дақиқада Бруну Фернандеш пенальтидан урган голи билан якуний ҳисобни ўрнатди — 3:1.
Ушбу учрашувдан сўнг Оле-Гуннар Сульшер қўл остидаги «Манчестер Юнайтед» 49 очко жамғарган ҳолда 2-ўринни «Лестер» билан бўлишиб турибди ва ҳамшаҳари «Манчестер Сити»дан 10 очкога ортда қолмоқда. 25 турда 25 очко тўплаган «Ньюкасл» эса 17-ўринда қолган.
АПЛ
25-тур баҳси
21 февраль, якшанба
«Манчестер Юнайтед»—«Ньюкасл» 3:1
Голлар: 1:0 – 30 Рэшфорд, 1:1 – 36 Сен-Максимен, 2:1 – 57 Жеймс, 3:1 – 75, пенальти Бруну Фернандеш.
«Манчестер Юнайтед»: Де Ҳеа, Шоу, Линдельоф, Уан-Биссака, Магуайр, Жеймс (Мата, 88), Бруну Фернандеш, Фред, Матич, Марсьяль (Гринвуд, 70), Рэшфорд (Шортайр, 89).
«Ньюкасл»: Дарлоу, Льюис, Кларк, Крафт, Ласселс, Ҳейден, Уиллок, Шелви, Альмирон (Гэйл, 79), Сен-Максимен (Мёрфи, 77), Жоэлинтон (Фрэйзер, 55).
Огоҳлантиришлар: Ҳейден (38), Бруну Фернандеш (38), Жоэлинтон (39).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)