Исроилда коронавируснинг такрор авж олиши сабабли фавқулодда ҳолат юзага келган. Бу ҳақда бош вазир Бенямин Нетаньяху ҳукумат йиғилишида маълум қилди, дея хабар беради Cursorinfo.
«Бутун дунё бўйлаб авж олаётган коронавирус ҳужумининг марказидамиз. Биз фавқулодда ҳолатдамиз», — дейди Нетаньяху.
Унинг сўзларига кўра, касалликнинг иккинчи тўлқини туфайли мамлакатда қўшимча чеклов чоралари жорий этилиши керак. Акс ҳолда, мамлакат соғлиқни сақлаш тизими бу тўлқинга дош беролмайди.
Мавзуга доир: Исроилда коронавирус билан касалланишнинг янги тўлқини қайд этилди. Алоҳида шаҳар ва туманлар карантинга ёпилади
Вахсманнинг фикрича, ҳукумат 20 дан ортиқ кишининг оммавий йиғилишини тақиқлашни жорий қилиши ва эпидемияни жиловлашни Мудофаа вазирлигига топшириши керак.
Жонс Ҳопкинс университетининг 6 июль соат 11:30 да берган маълумотига кўра, Исроилда коронавирус билан боғлиқ 29 958 та ҳолат тасдиқланган. Шу кунгача беморларнинг 17 950 нафари соғайган, 331 нафари эса вафот этган.