2020 йилнинг 10 июнь куни соат 21:00 дан 12 июнга қадар Олмазор тумани Шимолий Олмазор кўчасининг кичик ҳалқа йўли билан кесишмасидан Жомий майдонидаги айланма йўлгача, Жомий майдонидаги айланма йўлдан Уста Ширин кўчасининг Широқ кўчаси билан кесишмасигача бўлган йўлда таъмирлаш ишлари олиб борилади. Шу муносабат билан мазкур оралиқ масофа автомобиллар ҳаракати учун вақтинча ёпилади. Бу ҳақда Тошкент шаҳар ҳокимлиги матбуот хизмати хабар қилган.
«Таъмирлаш ишлари якунлангунига қадар ҳайдовчиларга бошқа йўллардан ҳаракатланишларини тавсия этамиз», — дейилади пойтахт ҳокимлигининг хабарида.
Аввал Яшнободдан кичик ҳалқа йўлига ўтувчи қўшимча йўлнинг бир қисми вақтинча ёпилганди. 8 июнда Тошкент шаҳридаги кичик ҳалқа йўли кўчасида ва ушбу кўча билан бошқа кесишмаларда йўлни таъмирлаш ишлари амалга оширилиши, Фарғона йўли ва кичиқ ҳалқа йўли кўчалари кесишмасидан Фарғона йўли кўчасининг 8 март кўчаси билан кесишмасигача бўлган автомобиль йўлининг бир томони ҳамда Фарғона йўли кўчасининг Мухтор Ашрафий кўчаси билан кесишмасидан Жарқўрғон кўчаси кесишмасига бўлган оралиқдаги кўприкнинг бир томонлама ҳаракатланиш қисми ёпилиши хабар қилинган.
Изоҳ (0)