Германиянинг Transfermarkt портали ҳозирги кунда энг қиммат нархга эга «Барселона» академияси тарбияланувчилари рейтингини тузди.
Унга кўра, каталонлар ҳужумчиси Лионель Месси рўйхат етакчилигини қўлга олган. Аргентиналик футболчининг айни дамдаги нархи 112 миллион еврони ташкил қилмоқда.
Иккинчи ўриндан яқинда ПСЖ билан шартнома имзолаган Мауро Икарди жой олган. «Барселона» асосий жамоасида бирорта ҳам ўйин ўтказмаган аргентиналик ҳозирда 60 миллион евро туради. Кучли учликни «Бавария»да тўп тепаётган Тиаго Алькантара (48 миллион евро) якунлаб берган.
Топ-10 ликдаги фақат беш нафар футболчи ҳозирда «кўк-аноранглилар» сафида ҳаракат қилади. Яна тўрт нафари эса «Барселона»да бирорта ҳам ўйин ўтказмаган.
Қуйида кучли ўнлик билан танишинг:
1. Лионель Месси — 112 миллион евро2. Мауро Икарди (ҳозирда — ПСЖ) — 60 млн евро3. Тиаго Алькантара («Бавария») — 48 млн евро4. Хорди Альба — 40 млн евро5. Серхи Роберто — 40 млн евро6. Ансумане Фати — 36 млн евро7. Андре Онана («Аякс») — 36 млн евро8. Эктор Бельерин («Арсенал») — 32 млн евро9. Дани Олмо («Лейпциг») — 31,5 млн евро10. Серхио Бускетс — 28 млн евро
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!