Америкалик мусиқачи ва блогер Курт Шнайдер «Гарри Поттер» фильмидаги мусиқани ижро этиб, интернетда машҳурликка эришди. У ноодатий мусиқа «анжоми» ёрдамида ишланган роликни TikTok’ка жойлаштирган.
Америкалик йигит ушбу мусиқани иккита кир ювиш машинасидан фойдаланган ҳолда дўсти билан ижро этган.
Хогвартс сеҳргарлар мактаби ўқувчилариникига ўхшаш галстук тақиб олган Шнайдер мусиқани ижро этиб бўлгач, зина остидаги омборчага беркинади.
Ролик икки сутка ичида интернетда машҳурликка эришиб, 2,3 миллион маротабадан ортиқ томоша қилинди.
Шунингдек, видеога 458 мингдан ортиқ лайк босилган ва салкам 5 мингта изоҳ қолдирилган.