Интернетда реал ҳаётдаги объектларни смартфон ёрдамида тўғри фотошопга ўтказиш имконини берувчи янги мобил илова пайдо бўлди, деб хабар қилади Hi-Tech.Mail.ru.
Twitter ижтимоий тармоғида Cyrildiagne номи остидаги рассом ва дастурчи смартфон камераси ёрдамида объектлардан нусха кўчириб, уларни компьютерга ўтказиш имконини берадиган дастурнинг видеоси билан бўлишди. Бунинг учун ҳеч нимани босиш керак эмас, барчаси автоматик тарзда амалга оширилади.
https://twitter.com/cyrildiagne/status/1256916982764646402
Смартфон камерасини исталган объектга тўғирлаш керак, масалан, видеодаги каби тувакдаги гулга. Смартфон объект чегарасини аниқлайди ва уни фондан ажратади, тайёр тасвир пайдо бўлади. Шундан сўнг у ўсимлик билан камерани ноутбук экранига йўналтиради ва суратни фотошопнинг ишчи соҳасига жойлаштиради. Натижада қўшимча реалликнинг ғайриоддий қўлланилиши пайдо бўлади. Қуйидаги каби:
Реал ҳаётдаги объектлардан нусха кўчириш дастури энди яратилмоқда. Ҳозирда суратни яратиш учун 2,5 сония керак бўлади, компьютерга ўтказиш учун эса 4 сония. Бу каби амалиётларни бажариш учун авваллари бирор буюмни суратга олиш, уни компьютерга юклаш, фонни қўлда қирқиб ташлаш ва фотошопга жойлаштириш керак бўларди. Ҳозирда эса буларнинг барчаси смартфон ва қўшимча реаллик ёрдамида 7 сонияга қадар қисқарган.