«Роскосмос» Ойдан тупроқ олиб келувчи «Луна-28» космик кемаси яратилишига 594 миллион рубл сарфлайди. Бу ҳақда давлат харидлари сайтида келтирилган маълумотларга таяниб, «Gazeta.ru» хабар бермоқда.
«РИА Новости»нинг қайд этишича, Ойга қўнувчи станцияга эга ракета ташувчи 2027 йилда «Восточний» аэродромидан учирилади.
Режага кўра, станция Ойнинг жанубий қутбига қўниши керак. У ердан (тахминан 3-4 килограмм) тупроқ намунаси олиниб, махсус капсулада Ерга олиб келинади.