Футбол бўйича Испания Кубогининг 1/16 финали доирасида 22 январь, чоршанба куни бир қанча беллашувлар бўлиб ўтди.
Кике Сетьен қўл остига ўтган Каталониянинг «Барселона» клуби «Ибица» майдонига сафар қилди.
Беллашувнинг 9-дақиқасида мезбон жамоа ярим ҳимоячиси Пеп Кабалье ҳисобни очган бўлса, 72 ва 90+4-дақиқаларда «кўк-анорранглилар» ҳужумчиси Антуан Гризманн икки бор рақиб дарвозасини ишғол қилди.
Натижада ўйин 2:1 ҳисобида «Барселона» ғалабаси билан якунланди ва жамоа мусобақанинг кейинги босқичига йўл олди.
Шу куни Зинедин Зидан бошлиқ Мадриднинг «Реал» клуби меҳмонда «Унионистас»ни синовдан ўтказди.
Учрашувнинг 18-дақиқасида «Қироллик клуби» ҳужумчиси Гарет Бэйл жамаосини ҳисобда олдинга олиб чиққан бўлса, 57-дақиқага келиб мезбон жамоа ярим ҳимоячиси Альваро Ромеро ҳисобни тенглаштирди. 62-дақиқа «Унионистас» ҳимоячиси Хуан Гонгора ўз дарвозасини ишғол қилиб қўйди (1:2). 90+2-дақиқада эса Браим Диас Мадрид клубининг ғалабасини мустаҳкамлади.
Шу тариқа «Реал» сафарда кечган баҳсда «Унионистас»ни 3:1 ҳисобида мағлуб этиб, Испания Кубогининг нимчорак финалига йўл олди.
Испания Кубоги
1/16 финал баҳслари
22 январь, чоршанба
«Ибица»—«Барселона» 1:2
Голлар: 1:0 — 9 Кабалье, 1:1 — 72 Гризманн, 1:2 — 90+4 Гризманн«Унионистас»—«Реал» 1:3
Голлар: 0:1 — 18 Бэйл, 1:1 — 57 Ромеро, 1:2 — 62, автогол Гонгора, 1:3 — 90+2 Браим ДиасЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)