Футбол бўйича Англия Премьер лигаси 20-тури доирасида 29 декабрь, якшанба куни Юрген Клопп қўл остидаги «Ливерпуль» «Энфилд»да «Вулверҳэмптон»ни қабул қилди.
Учрашувдаги ягона гол 42-дақиқада урилди. Унга «қизиллар» ҳужумчиси Садио Мане муаллифлик қилди.
Шу тариқа Мерсисайд клуби ўз майдонида кечган баҳсда «Вулверҳэмптон»ни кичик 1:0 ҳисобида мағлубиятга учратди ва навбатдаги 3 очога эга бўлди.
Ушбу ғалабадан сўнг мусобақа жадвалида яққол етакчилик қилаётган «Ливерпуль» очколари сонини 55 тага етказиб олди. «Бўрилар» эса 30 очко билан 7-поғонани эгаллаб турибди.
АПЛ
20-тур баҳси
29 декабрь, якшанба
«Ливерпуль»—«Вулверҳэмптон» 1:0
Гол: 1:0 — 42 Мане«Ливерпуль»: Алиссон, ван Дейк, Робертсон, Гомес, Александер-Арнольд, Хендерсон, Вейналдум (Милнер, 86), Лаллана (Кейта, 67), Мане, Салоҳ, Фирмино (Ориги, 86)
«Вулверҳэмптон»: Руй Патрисиу, Кастро, Беннетт, Килмен, Рубен Винагре, Дэндонкер (Траоре, 58), Моутинью, Нету, Рубен Невеш (Саисс, 58), Коуди, Диогу Жота (Хименес, 72)
Огоҳлантириш: Лаллана (45)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)