Футбол бўйича Италия А Сериясининг 16-тури доирасида 15 декабрь, якшанба куни 4 та баҳс якунланди.
Маурицио Сарри қўл остидаги Туриннинг «Ювентус» клуби ўз майдонида «Удинезе»ни синовдан ўтказди.
Ўйин давомида «кекса синьора» вакиллари Криштиану Роналду (9, 37) ва Леонардо Бонуччи (45) томонидан урилган голларга меҳмонлар Игнасио Пуссетто (90)нинг голи билан жавоб қайтарди.
Шу тариқа Турин клуби ўз майдонида «Удинезе»ни 3:1 ҳисобида мағлуб этди ва муҳим 3 очкога эга бўлди.
Ушбу ғалабадан сўнг туринликлар очколари сонини 39 тага етказиб олди ва мусобақа жадвалида пешқадамга айланиб олди. «Удинезе» эса 15 очко билан 17-поғонани банд қилиб турибди.
Шу куни Стефано Пиоли бошқарувидаги «Милан» жамоаси эса «Сассуоло» билан беллашди.
Учрашувда ҳисоб очилмади ва томонлар бир очкодан бўлишиб олди.
Маълумот учун, «россонерилар» 21 очко тўплаб мусобақа жадвалида 10-ўриндан жой олган бўлса, 13-ўринда бораётган «Сассуоло» ҳисобида 16 очко мавжуд.
А Серия
16-тур баҳслари
15 декабрь, якшанба
«Верона»—«Торино» 3:3
Голлар: 0:1 — 36 Ансальди, 0:2 — 54 Беренгер, 0:3 — 61 Ансальди, 1:3 — 69, пеналтй Паццини, 2:3 — 76 Верре, 3:3 — 84 Стемпиньски«Болонья»—«Аталанта» 2:1
Голлар: 1:0 — 12 Паласио, 2:0 — 53 Поли, 2:1 — 60 Малиновский«Ювентус»—«Удинезе» 3:1
Голлар: 1:0 — 9 Роналду, 2:0 — 37 Роналду, 3:0 — 45 Бонуччи, 3:1 — 90 Пуссетто«Милан»—«Сассуоло» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)