Футбол бўйича Европа Чемпионлар Лигасининг 5-турига 27 ноябрь, чоршанба куни гуруҳларда навбатдаги ўйинлар якун ясаб берди.
«E» гуруҳидан ўрин олган баҳсда Юрген Клопп қўл остидаги «Ливерпуль» ўз майдонида Карло Анчелотти бошлиқ «Наполи» клубини қабул қилди.
Учрашувнинг 21-дақиқасида неаполликлар ҳужумчиси Дрис Мертенс ҳисобни очган бўлса, 65-дақиқага келиб «Ливерпуль» ҳимоячиси Деян Ловрен ҳисобни тенглаштирди.
Шу тариқа ўйин 1:1 ҳисобида дуранг натижа билан якунланди ва томонлар бир очкодан бўлишиб олди.
Мазкур турдан сўнг «Ливерпуль» 10 очко жамғарган ҳолда гуруҳда биринчи ўринни банд қилиб турибди. Ундан кейинги ўринда бораётган «Наполи» ҳисобида эса 9 очко мавжуд.
Шу куни Эрнесто Вальверде бошқарувидаги Каталониянинг «Барселона» жамоаси «Камп Ноу»да Люсьен Фавр бошчилигидаги Дортмунднинг «Боруссия» клуби билан баҳсга киришди.
Беллашув давомида «кўк-анорранглилар» аъзолари Луис Суарес (29), Лионель Месси (33) ҳамда Антуан Гризманн (67) томонидан урилган голларга «арилар» Жейдон Санчо (77)нинг голи билан жавоб қайтарди.
Шу тариқа каталонияликлар ўз уйида кечган баҳсда Дортмунд клубини 3:1 ҳисобида мағлуб этди ва 3 очкога эга бўлди.
Ушбу ғалабадан сўнг «Барселона» очколари сонини 11 тага етказди ва «F» гуруҳида яққол пешқадамга айланди. «Боруссия Дортмунд» эса 7 очко билан 3-ўринда бормоқда.
ЕЧЛ
«E» гуруҳи
«Ливерпуль»—« Наполи» 1:1
Голлар: 0:1 — 21 Мертенс, 1:1 — 65 Ловрен«Генк»—«Зальцбург» 1:4
Голлар: 0:1 — 43 Дака, 0:2 — 45 Минамино, 0:3 — Хван Хи Чхан, 1:3 — 85 Саматта, 1:4 — 87 Холанд«F» гуруҳи
«Барселона»—«Боруссия Д» 3:1
Голлар: 1:0 — 29 Суарес, 2:0 — 33 Месси, 3:0 — 67 Гризманн, 3:1 — 77 Санчо«Славия П»—«Интер» 1:3
Голлар: 0:1 — 19 Мартинес, 1:1 — 37, пенальти Соучек, 1:2 — 81 Лукаку, 1:3 — 88 Мартинес«G» гуруҳи
«Зенит»—«Лион» 2:0
Голлар: 1:0 — 42 Дзюба, 2:0 — 84 Оздоев«Лейпциг»—«Бенфика» 2 :2
Голлар: 0:1 — 20 Пицци, 0:2 — 59 Винисиус, 1:2 — 90, пенальти Форсберг, 2:2 — 90 Форсберг«H» гуруҳи
«Валенсия»—«Челси» 2:2
Голлар: 1:0 — 40 Солер, 1:1 — 41 Ковачич, 1:2 — Пулишич, 2:2 — 82 Васс«Лилль»—«Аякс» 0:2
Голлар: 0:1 — 2 Зиёш, 0:2 — 59 ПромесЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)