Футбол бўйича Италия А Сериясининг 10-тури доирасида 30 октябрь, чоршанба куни 7 та баҳс ниҳоясига етди.
Карло Анчелотти қўл остидаги «Наполи» ўз майдонида «Аталанта»ни қабул қилди.
Учрашувда неаполликлар вакиллари Никола Максимович (16) ва Аркадиуш Милик (71) рақиб дарвозасига гол урган бўлса, меҳмонлардан Ремо Фройлер (41) ҳамда Йосип Иличич (86) ўз ҳисобига биттадан гол ёздириб қўйди.
Шу тариқа ўйин 2:2 ҳисобида якунланди ва томонлар бир очкодан бўлишиб олди.
Маълумот учун, «Наполи» 18 очко тўплаган ҳолда мусобақа жадвалида 6-ўринни эгаллаб турибди. «Аталанта» эса 21 очко билан 3-поғонада бормоқда.
Шу куни Маурицио Сарри бошқарувидаги Туриннинг «Ювентус» жамоаси «Женоа»ни синовдан ўтказди.
Беллашувда ҳисоб 36-дақиқада очилди, унга «кекса синьора» ҳимоячиси Леонардо Бонуччи муаллифлик қилди. Орадан 4 дақиқа ўтиб «Женоа» ҳужумчиси Кристиан Куаме ҳисобни тенглаштирди (1:1). Ўйиннинг сўнгги дақиқаларида ҳакам томонидан меҳмонлар дарвозаси томон пенальти белгиланди. Ундан Турин клуби етакчиси Криштиану Роналду унумли фойдаланди ва жамоасига муҳим 3 очкони тақдим этди (2:1).
Мазкур ғалабадан сўнг «Ювентус» очколари сонини 26 тага етказиб олди ва мусобақа жадвалида пешқадамга айланди. «Женоа» эса 8 очко йиғиб 17-ўринни банд қилиб турибди.
Паулу Фонсека бошлиқ Римнинг «Рома» клуби сафарда «Ундинезе» билан баҳсга киришди.
Тўқнашув давомида Рим клуби аъзолари Николо Дзаньоло (13), Крис Смоллинг (51), Жастин Клюйверт (54) ҳамда Александар Коларов (65, пенальти) бирин-кетин рқиб дарвозасини ишғол қилди.
Шу тариқа «Рома» сафарда «Удинезе» дарвозасига жавобсиз 4 та гол уриб, йирик ҳисобда ғалабага эришди. Қайд этиш жоиз, «Рома» 19 очко жамғариб, мусобақа жадвалида 4-ўринга кўтарилди. 14-ўринда бораётган «Удинезе» ҳисобида эса 10 очко мавжуд.
А Серия
10-тур баҳслари
30 октябрь, чоршанба
«Наполи»—«Аталанта» 2:2
Голлар: 1:0 –– 16 Максимович, 1:1 — 41 Фройлер, 2:1 — 71 Милик, 2:2 — 86 Иличич«Кальяри»—«Болонья» 3:2
Голлар: 0:1 – 23, пенальти Сантандер, 1:1 — 48 Жоао Педро, 2:1 — 72 Симеоне, 3:1 — 83 Жоао Педро, 3:2 — 90, автогол Ольсен«Ювентус»—«Женоа» 2:1
Голлар: 1:0 — 36 Бонуччи, 1:1 — 40 Куаме, 2:1 — 90, пенальти Роналду«Лацио»—«Торино» 4:0
Голлар: 1:0 — 25 Ачерби, 2:0 — 33 Иммобиле, 3:0 — 70, пенальти Иммобиле, 4:0 — 90, автогол Белотти«Сампдория»—«Лечче» 1:1
Голлар: 0:1 — 8 Лападула, 1:1 — 90 Рамирес«Сассуоло»—«Фиорентина» 1:2
Голлар: 1:0 — 24 Бога, 1:1 — 63 Кастровилли, 1:2 — 81 Миленкович«Ундинезе»—«Рома» 0:4
Голлар: 0:1 — 13 Дзаньоло, 0:2 — 51 Смоллинг, 0:3 — 54 Клюйверт, 0:4 — 65, пенальти КоларовЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)