Таҳририятимизга контракт бўйича ҳарбий хизматчи Арслон Сотволдиевдан мурожаат келиб тушди. Унда Журналистика ва оммавий коммуникациялар университетидаги ҳарбий журналистика курсидаги муаммоларга эътибор қаратилади.
Журналистика ва оммавий коммуникациялар университетида жорий йилдан Ўзбекистон Президенти администрацияси раҳбарининг 2019 йил 12 февралдаги топшириғига асосан йилда икки марта ҳарбий журналистика йўналишида тўрт ойлик малака ошириш курси фаолияти йўлга қўйилди.
Малака ошириш курсининг илк тингловчилари сифатида апрель—июль ойларида Қуролли кучлар тизимларидаги ҳарбий матбуот соҳасида ишлаётган 12 нафар (Мудофаа вазирлигидан тўрт нафар, ДХХдан икки нафар, Давлат божхона қўмитасидан тўрт нафар, ИИВдан икки нафар) ҳарбий хизматчи ўқитилди.
Мана ҳарбий журналистика курсини тамомлаганимизга ҳам уч ой бўлибди, ҳалигача ваъда қилинган диплом ва кўкрак нишонидан дарак йўқ.
Билишимизча, вазирликлар ҳамда университет ўртасида тузилган шартномада пул билан боғлиқ бўлган муаммолар бор. Қонунга асосан, аввал шартномада кўрсатилган пул бадалини 15 фоизи, маълум вақтдан сўнг эса қолгани тўланар экан.
Хўш, шартномада кўрсатилган пул бадали тўлиқ тўланмагунча бизга диплом ва кўкрак нишони берилмайдими?! Балки йил охирида икки битирув бирдан ўтказилиши режалаштирилгандир. Аниқлик бўлганда, анча ўзимизни хотиржам ҳис қилар эдик.
Изоҳ (0)