Футбол бўйича Европа Лигасининг 3-тури доирасида 24 октябрь, пайшанба куни гуруҳларда барча ўйинлар ниҳоясига етди.
«F» гуруҳидан ўрин олган баҳсда Унаи Эмери қўл остидаги Лондоннинг «Арсенал» клуби «Эмирейтс» стадионида Португалиянинг «Виктория» клубини қабул қилди.
Беллашув давомида «тўпчилар» вакиллари Габриэль Мартинелли (32) ҳамда Николя Пепе (80, 90) рақиб дарвозасига гол урган бўлса, меҳмонларнинг голларига Маркус Эдвардс (8) ва Бруно Дуарте (36) муаллифлик қилди.
Шу тариқа Лондон клуби ўз уйида кечган баҳсда «Виктория»ни 3:2 ҳисобида базўр мағлубиятга учратди ва 3 очкони қўлга киритди.
Ушбу ғалабадан сўнг лондонликлар очколари сонини 9 тага етказди ва гуруҳда яққол пешқадамга айланди. Бирорта ҳам очко йиға олмаган «Виктория» эса сўнгги ўринда бормоқда.
Турнинг марказий учрашувида Паулу Фонсека бошқарувидаги Римнинг «Рома» клуби ўз майдонида «Боруссия Мюнхенгладбах» жамоаси билан баҳсга киришди.
Ўйиннинг 32-дақиқасида римликлар клуби ярим ҳимоячиси Николо Дзаньоло ҳисобни очган бўлса, 90-дақиқага келиб ҳакам томонидан мезбонлар дарвозасига пенальти белгиланди. Ундан германиялик ҳужумчи Ларс Штиндль унумли фойдаланди ва ҳисобни тенглаштирди.
Натижада учрашув 1:1 ҳисобида якунланди ва томонлар бир очкодан бўлишиб олди.
Маълумот учун, «Рома» 5 очко тўплаган ҳолда «J» гуруҳида етакчилик қилмоқда. «Боруссия Мюнхенгладбах» эса 2 очко билан охирги ўринни банд қилиб турибди.
Оле-Гуннар Сульшер бошчилигидаги «Манчестер Юнайтед» эса сафарда Сербиянинг «Партизан» клубига қарши майдонга тушди.
Баҳсдаги ягона гол 43-дақиқада пенальтидан урилди. Унга «қизил иблислар» ярим ҳимоячиси Антони Марсьяль муаллифлик қилди ва жамоасига муҳим 3 очкони тақдим этди.
Қайд этиш жоиз, «манкунианлар» 7 очко жамғариб, «L» гуруҳида биринчи ўринда бормоқда. «Партизан» эса 4 очко йиғиб, 3-поғонани банд қилиб турибди.
Европа Лигаси
3-тур баҳслари
24 октябрь, пайшанба
«А» гуруҳи
«Қорабоғ»—АПОЭЛ 2:2
Голлар: 1:0 — 13 Кинтана, 1:1 — 29, автогол Медведев, 1:2 — 45 Халлениус, 2:2 — 58 Аилтон«Севилья»—«Дюделанж» 3:0
Голлар: 1:0 — 48 Васкес, 2:0 — 75 Васкес, 3:0 — 78 Мунир«B» гуруҳи
«Динамо Киев»—«Копенгаген» 1:1
Голлар: 0:1 — 2 Сотериу, 1:1 — 53 Шабанов«Малмё»—«Лугано» 2:1
Голлар: 1:0 — 13, пенальти Бергет, 2:0 — 32 Молинс, 2:1 — 50 Герндт«C» гуруҳи
«Хетафе»—«Базел» 0:1
Гол: 0:1 — 18 Фрай«Трабзонспор»—«Краснодар» 0:2
Голлар: 0:1 — 49 Берг, 0:2 — 90 Вильена«D» гуруҳи
ПСВ—ЛАСК 0:0
«Спортинг»—«Русенборг» 1:0
Гол: 1:0 — 70 Болази«E» гуруҳи
«Ренн»—ЧФР 0:1
Гол: 0:1 — 9 Дяк«Селтик»—«Лацио» 2:1
Голлар: 0:1 — 40 Лаццари, 1:1 — 67 Кристи, 2:1 — 89 Жюлен«F» гуруҳи
«Айнтархт»—«Стандарт» 2:1
Голлар: 1:0 — 28 Абраам, 2:0 — 73 Хинтереггер, 2:1 — 82 Амалла«Арсенал»—«Виктория» 3:2
Голлар: 0:1 — 8 Эдвардс, 1:1 — 32 Мартинелли, 1:2 — 36 Бруно Дуарте, 2:2 — 80 Пепе, 3:2 — 90 Пепе«G» гуруҳи
«Янг Бойз»—«Фееноорд» 2:0
Голлар: 1:0 — 14, пенальти Ассале, 2:0 — 28, пенальти Нсаме«Порту»—«Рейнжерс» 1:1
Голлар: 1:0 — 36 Диас, 1:1 — 44 Морелос«H» гуруҳи
«Лудогорец»—«Эспаньол» 0:1
Гол: 0:1 — 13 КампусаноЦСКА—«Ференцварош» 0:1
Гол: 0:1 — 86 Варга«I» гуруҳи
«Сент-Этьенн»—«Александрия» 1:1
Голлар: 1:0 — 8 Сильва, 1:1 — 14, автогол Сильва«Гент»—«Вольфсбург» 2:2
Голлар: 0:1 — 3 Вегорст, 0:2 — 24 Жоао Виктор, 1:2 — 41 Яремчук, 2:2 — 90 Яремчук«J» гуруҳи
«Рома»—«Боруссия М» 1:1
Голлар: 1:0 — 32 Дзаньоло, 1:1 — 90, пенальти Штиндль«Истанбул»—«Вольфсбергер» 1:0
Гол: 1:0 — 78 Кахвежи«K» гуруҳи
«Бешиктош»—«Брага» 1:2
Голлар: 0:1 — 38 Рикарду Орта, 1:1 — 71 Найир, 1:2 — 80 Эдуарду«Слован»—«Вулверҳэмптон» 1:2
Голлар: 1:0 — 11 Шпорар, 1:1 — 58 Саисс, 1:2 — 63, пенальти Хименес«L» гуруҳи
«Партизан»—«Манчестер Юнайтед» 0:1
Гол: 0:1 — 43, пенальтиМарсьяльАЗ—«Остона» 6:0
Голлар:1:0 — 39, пенальти Копмейнерс, 2:0 — 43 Боадю, 3:0 — 77 Стенгс, 4:0 — 83, пенальти Копмейнерс, 5:0 — 85 Сугавара, 6:0 — 90 ИдриссиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)